الخميس، 25 نوفمبر 2010

طاش ماطاش




واهـنـي قـلب ضـحـك من طـاش ماطـاشي
طـربان فـاضي دلـه مع صـورة الـشـاشـه

في الـعـالـم الـمـدغـم الـمـبـهـوم ماعـاشي
كن الهـواجـيـس قـفـت عـنـه مــنـحـــاشه

وانا هـواجـيـس صـدري ضـيـقـت جـاشي
ومن يـشـكـي الـهـم ضـايـق ما دلـه جاشه

اسـهـر على مـرقـدي واشكي على فراشي
من شاف صاحي سهر يشكي على فراشه

مــابـيـن دربـي عـلـيـه وبـيـن مــطـراشـي 
حــارت بي الرجـل والافــــكار شـــواشــه

يــاخــذنـي الـهـم واقـف.واتـبـعـه مــاشـي 
ومـلامــح الوجــه بـيـن الـنـاس بـشـاشـه

على الــذي تـو فـي سـن الجــهــل نــاشي
غـرو على العـز عـايـش عـيـشـة الـبـاشه

غـرو خـذا الـقـلـب بـيـن ايديه و انحاشي
كــنه صــغــيـر لـعـب بـيـديـه قـــرقــاشــه

يـفـدى حـبـيـبـي قـلـيـل الاصــل والواشي 
وتـفـداه مـن هـي عـلى الحـبلـيـن غشاشه



 نايف الزياديالشاعر نايف محمد الزيادي

ليست هناك تعليقات:

إرسال تعليق